१४ बैंककाे व्याजदर घट्दा २ काे बढ्याे, हेर्नुस् कुनकाे कति ?

काठमाडाैँ । साउन महिनाका लागि वाणिज्य बैंकहरूले निक्षेपकाे ब्याजदर घटाएका छन् । नेपाल राष्ट्र बैंकले नीतिगत दर घटाएसँगै वाणिज्य बैंकहरूले पनि साउनका लागि निक्षेपको ब्याजदर घटाएका हुन् ।

२० वाणिज्य बैंकमध्ये १४ वटाले ब्याज घटाउँदा २ वटा बैंकले बढाएका छन् भने ४ वटा बैंकले असारकै दर यथावत् राखेका छन्  ।

व्यक्तिगत मुद्दतीतर्फ निक्षेपमा १६ वटाले ब्याज घटाउँदा ४ वटा बैंकले भने असारकै दर यथावत् राखेका छन्  । यस्तै संस्थागततर्फ निक्षेपको ब्याजदर पनि ११ वटा बैंकले घटाउँदा हिमालयन बैंकले भने १ प्रतिशत बढाएको छ।बाँकी ८ बैंकले भने असारकै दरलाई निरन्तरता दिएका छन् ।

व्यक्तिगत मुद्दति निक्षेपमा असार महिनामा औसत अधिकतम ब्याजदर ५.९०२ प्रतिशत रहेकोमा साउनमा घटेर ५.६९७५ प्रतिशतमा झरेको छ भने संस्थागत मुद्दति निक्षेपमा औसत अधिकतम ब्याजदर अधिकतम ब्याजदर ४.३७३ प्रतिशत रहेकोमा साउनमा घटेर ४.११३प्रतिशतमा झरेको छ ।

व्यक्तिगततर्फ कुनै पनि बैंकले ब्याजदर बढाएका छैनन् ।

नेपाल राष्ट्र बैंकले मौद्रिक नीतिबाट नीतिगत दर ५ प्रतिशतबाट ४.५ प्रतिशत, बैंकदर ६.५ प्रतिशतबाट ६ प्रतिशत र निक्षेप संकलन दर ३ प्रतिशतबाट २.७५ प्रतिशतमा झारेको छ । यसपश्चात वाणिज्य बैंकहरूले साउनका लागि ब्याजदर घटाएका हुन्।

कुन बैंकको ब्याजदर कति ?

प्रभु बैंकले व्यक्तिगत निक्षेपमा ४.२५ प्रतिशत र संस्थागत निक्षेपमा ३.२५ प्रतिशत कायम गरेकाे छ ।

राष्ट्रिय वाणिज्य बैंककाे व्यक्तिगत निक्षेपमा ५.५ प्रतिशतमा झारेकाे छ भने  संस्थागत दर ४ प्रतिशतमै यथावत् राखेको छ ।

एभरेष्ट बैंकले व्यक्तिगत निक्षेपमा ६.२५ मा र संस्थागतमा ५.२५ कायम गरेका छ।

एनआईसी एशिया बैंकले व्यक्तिगत तथा संस्थागत दुवै निक्षेपमा ६.२५ र ५.२५ प्रतिशत ब्याज कायम गरेका छ ।

प्राइम कमर्सियल बैंकले व्यक्तिगत निक्षेपमा ६ मा र संस्थागतमा ३.१ कायम गरेका छ ।

नबिल बैंकले भने ब्याजदर यथावत् राखेको छ। व्यक्तिगत निक्षेपमा ५.७५ प्रतिशत र संस्थागत निक्षेपमा ४.०५ प्रतिशत कायम गरिएको छ।

नेपाल इन्भेष्टमेन्ट मेगा बैंकले व्यक्तिगत निक्षेपमा ५.२५ र संस्थागतमा  ४.२५ कायम गरेकाे छ।

लक्ष्मी सनराइज बैंकले व्यक्तिगत निक्षेपमा ५.५  र संस्थागतमा  ४.२५ कायम गरेकाे छ।

सिटिजन्स बैंकले व्यक्तिगत निक्षेपमा  ५.५ र संस्थागतमा ३  पुर्‍याएको छ। यो संस्थागततर्फ सबैभन्दा ठूलो गिरावट हो ।

सानिमा बैंकले व्यक्तिगत निक्षेपमा ६.१८ र संस्थागतमा ४ कायम गरेकाे छ।

नेपाल एसबीआई बैंकले व्यक्तिगत निक्षेपमा ५.३५ र संस्थागततर्फ ४.३५ मा झारेको छ ।

कुमारी बैंकले व्यक्तिगत निक्षेपमा ५.६१ प्रतिशतमा  र संस्थागतमा  ४.०१ प्रतिशतमा झारेकाे छ ।

कृषि विकास बैंकले पनि व्यक्तिगत निक्षेपमा ५.४ प्रतिशतमा र संस्थागतमा ३.५ प्रतिशतमा झारेको छ ।

ग्लोबल आईएमई बैंकले व्यक्तिगत निक्षेपमा ६ बाट ५.७५ र संस्थागत निक्षेपमा ४.२५ कायम गरेकाे छ ।

नेपाल बैंक र एनएमबी बैंकले ब्याजदर यथावत् राखेको छ । नेपाल बैंकले व्यक्तिगत निक्षेपमा ५.४५ र संस्थागतमा ४.५ प्रतिशत नै कायम छ । यस्तै, एनएमबी बैंकले व्यक्तिगत निक्षेपमा ६ प्रतिशत र संस्थागतमा ५ प्रतिशत नै दिइरहेको छ ।

यस्तै माछापुच्छ्रे बैंककाे ब्याजदर दुबै खालका निक्षेपमा ६ र ४ प्रतिशत ब्याज यथावत् राखेकाे छ भने सिद्धार्थ बैंकले भने कुनै पनि दरमा परिवर्तन नगरी व्यक्तिगतमा ५.७५ र संस्थागतमा ४.७५ प्रतिशत यथावत् राखेको छ ।

यता स्ट्यान्डर्ड चार्टर्ड बैंकले भने ब्याजदर बढाएकाे छ । व्यक्तिगत निक्षेपमा ६.२६ प्रतिशत र संस्थागत निक्षेपमा पनि ३ बाट ३.०१ प्रतिशतमा थोरै वृद्धि गरिएको छ ।

यस्तै हिमालयन बैंकले संस्थागत निक्षेपमा ०.५ प्रतिशतको वृद्धि गर्दै ४ बाट ५ प्रतिशतमा पुर्‍याएको छ भने व्यक्तिगत निक्षेपमा ५.५ बाट ६ मा ल्याएर ०.५ प्रतिशतको वृद्धि गरेको छ ।