विश्व फुटबलकै सबैभन्दा प्रतिष्ठित प्रतियोगिता फिफा विश्वकप २०२६ अब आफ्नो अन्तिम चरणमा प्रवेश गरेको छ। प्रतियोगिताको पहिलो सेमिफाइनल खेलमा आज राति दुई युरोपेली पावरहाउस फ्रान्स र स्पेनबीच महाभिडन्त हुँदैछ।
अमेरिकाको टेक्सासस्थित प्रसिद्ध डलास स्टेडियममा हुने यो बहुप्रतीक्षित खेल नेपाली समय अनुसार आज राति ठीक १२:४५ बजे (बुधबार बिहान) सुरु हुनेछ।
किलियन एमबाप्पेको कप्तानीमा रहेको फ्रान्सेली टोलीले क्वाटरफाइनलमा अफ्रिकन जायन्ट मोरक्कोलाई पराजित गर्दै अन्तिम चारको यात्रा तय गरेको हो। डिडिएर डेसच्याम्प्सको प्रशिक्षणमा रहेको फ्रान्स लगातार तेस्रो पटक विश्वकपको फाइनलमा पुगेर इतिहास रच्ने दाउमा छ।
अर्कोतर्फ, युवा स्टार लामिन यामाल र निको विलियम्सको सानदार फर्मको मद्दतले स्पेनले क्वाटरफाइनलमा बलियो बेल्जियमलाई पाखा लगाएको थियो। आफ्नो उत्कृष्ट पोसेसन-बेस्ड फुटबल र आक्रामक खेलका कारण स्पेनलाई यस पटक उपाधिको बलियो दाबेदार मानिएको छ।
