आज बिहान ११ बजे बस्ने प्रतिनिधिसभाको बैठकका लागि संघीय संसद् सचिवालयले ६ वटा कार्यसूची तय गरेको छ।
सरकारको नीति तथा कार्यक्रममाथि उठेका प्रश्नहरूको जवाफ दिने मुख्य जिम्मेवारी प्रधानमन्त्रीकै भए पनि उहाँ आउने वा नआउने विषयमा संसद् सचिवालय अझै स्पष्ट छैन।
आजको प्रतिनिधिसभा बैठकका लागि संघीय संसद् सचिवालयले ६ वटा मुख्य कार्यसूची तय गरेको छ। बैठकको सुरुमा आर्थिक वर्ष २०८३/०८४ को नीति तथा कार्यक्रममाथिको छलफललाई निरन्तरता दिइनेछ भने त्यसपछि उक्त छलफलका क्रममा उठेका प्रश्नहरूको प्रधानमन्त्रीको तर्फबाट जवाफ दिने कार्यक्रम रहेको छ, यद्यपि प्रधानमन्त्री स्वयं भने बैठकमा अनुपस्थित रहनेछन्।
त्यसलगत्तै नीति तथा कार्यक्रममाथि प्राप्त भएका विभिन्न संशोधन प्रस्तावहरूलाई निर्णयार्थ प्रस्तुत गरिनेछ र सभामुखले समग्र नीति तथा कार्यक्रमलाई पारित गर्नका लागि सदनमा निर्णयार्थ पेस गर्ने कार्यसूची रहेको छ। बैठकको अन्तिम चरणमा अर्थमन्त्री डा. स्वर्णिम वाग्लेले आगामी आर्थिक वर्षको विनियोजन विधेयकका सिद्धान्त र प्राथमिकता (Pre-Budget) पेस गर्नेछन् भने प्रतिनिधिसभा नियमावली मस्यौदा समितिका सभापति गणेश पराजुलीले समितिको प्रतिवेदन, २०८३ माथि विचार गरियोस् भन्ने प्रस्ताव प्रस्तुत गर्ने कार्यक्रम रहेको छ।
