काठमाडाैँ । तीनकुनेमा राजावादी समूहले गरेको आन्दोलनमा ६० राउन्ड गोली चलेकाे र ७४६ राउन्ड अश्रुग्यास प्रहार गरेको पाइएको छ ।
हवाई फायरदेखि घुँडामुनि भन्दै प्रहरीले २ राउन्ड पेस्तोलबाट र ५८ राउन्ड राइफलबाट फायर भएको थियो ।। प्रहरीकाे गोली लागेर कीर्तिपुरका २९ वर्षीय सविन महर्जनकाे मृत्यु भएको थियो ।
त्यस्तै ब्याङ्क (आवाजमात्र आउने गोली) १९२ राउण्ड प्रहार गरिएको थियो। त्यसैगरी ७ सय ४६ राउन्ड अश्रुग्यास प्रहार गरेको पाइएको छ । कार्टिज (छर्रा) भने २३९ पटक प्रहार भएको पाइएको छ ।
राजावादी प्रदर्शनमा प्रहरी प्रदर्शनकारी र सर्वसाधारणासहित १ सय २९ जना घाइते भएका थिए ।
