फुटबलका महान खेलाडी लियोनेल मेस्सी आफ्ना बुबा जोर्गे मेस्सीको निधनपछि पहिलोपटक मैदान फर्किएका छन्। बुबाको वियोगको शोकका बीच इन्टर मियामीका लागि लिग्स कपको खेलमा मैदान उत्रिँदा फुटबल समर्थक र खेलाडीहरूबाट उनले पाएको माया र सम्मानले सबैको मन छोएको छ।
मेक्सिकन क्लब क्लब लियोन विरुद्धको खेलको क्रममा एक अत्यन्तै भावुक र खेलभावनाले भरिपूर्ण क्षण देखियो। खेलका क्रममा लियोनका कोलम्बियाली डिफेन्डर जोहान रोमान्याले मेस्सीलाई रोकेर उनीप्रति गहिरो सहानुभूति र सम्मान प्रकट गरे।
मेस्सीका बुबा तथा उनका एजेन्ट जोर्गे मेस्सीको ६८ वर्षको उमेरमा अर्जेन्टिनाको रोसारियोमा निधन भएको थियो। मेस्सीको खेल जीवनलाई शिखरसम्म पुर्याउन उनका बुबाको मुख्य योगदान रहेको थियो।
शोकको यो समयपछि मैदानमा फर्किँदै मेस्सीले देखाएको खेलप्रतिको समर्पण र विपक्षी खेलाडी रोमान्याले देखाएको खेलभावनाले सम्पूर्ण फुटबल प्रेमीहरूको मन जितेको छ।
