बजारमा खाना पकाउने ग्यासको कृत्रिम अभाव सिर्जना गरेको आरोपमा ललितपुरको हरिसिद्धस्थित श्रीराम ग्यास उद्योग कारबाहीमा परेको छ। [
वाणिज्य, आपूर्ति तथा उपभोक्ता संरक्षण विभागले गरेको अनुगमनका क्रममा उक्त उद्योगले ठुलो परिमाणमा ग्यास लुकाएर राखेको फेला परेपछि कारबाही प्रक्रिया अगाडि बढाइएको हो।विभागको टोलीले उद्योगको गोदाममा लुकाएर राखिएको अवस्थामा ६ हजार ३ सय ७७ थान भरिएका सिलिण्डर बरामद गरेको छ। बजारमा ग्यासको हाहाकार भइरहेका बेला उद्योगले “ग्यास छैन” भन्दै कृत्रिम अभाव सिर्जना गरेको विभागको ठहर छ।उपभोक्ता संरक्षण ऐन बमोजिम उद्योगलाई तत्काल ३ लाख रुपैयाँ जरिवाना गरिएको छ।
बरामद गरिएका सिलिण्डरहरूलाई अब नेपाल आयल निगमको प्रत्यक्ष निगरानी र समन्वयमा बजारमा पठाउन निर्देशन दिइएको छ। हालको सङ्कटलाई मध्यनजर गर्दै उपभोक्तालाई राहत दिन ती ग्यास सिलिण्डरहरू ७.१ केजी (आधा सिलिण्डर) मात्र भरेर बिक्री गर्न अनुमति दिइएको छ।
