मुम्बईको ऐतिहासिक वानखेडे स्टेडियममा जारी टी-२० विश्वकप २०२६ अन्तर्गत समूह ‘सी’ को रोमाञ्चक भिडन्तमा नेपालले इटालीविरुद्ध संघर्षपूर्ण ब्याटिङ गरेको छ।
टस हारेर पहिले ब्याटिङको निम्तो पाएको नेपाली टोलीले इटालीका स्पिनरहरूको कसिलो बलिङ र आक्रामक फिल्डिङसामु खुलेर खेल्न सकेन।
नेपालको सुरुवात सुखद रहेन। प्रारम्भमै ओपनर कुशल भुर्तेल सस्तोमा पभेलियन फर्किएपछि दबाबमा परेको नेपाली इनिङ्सलाई कप्तान रोहित पौडेल र आसिफ शेखले केही सम्हाल्ने प्रयास गरे पनि त्यो पर्याप्त हुन सकेन। मध्यक्रममा आरिफ शेखले संयमित पारी खेल्दै टोलीको स्कोर उकास्ने प्रयास गरे पनि अन्य ब्याटरहरूले उनलाई बलियो साथ दिन सकेनन्। इटालीका बलरहरूले कसिलो लाइन र लेन्थमा बलिङ गर्दै नेपाली ब्याटरहरूलाई ठूला सट खेल्नबाट निरन्तर रोकिरहे।
अन्तिम ओभरहरूमा विकेट झर्ने क्रम तीव्र भएपछि नेपालले ठूलो स्कोर खडा गर्ने अवसर गुमायो। मध्यक्रम र तल्लो क्रमका ब्याटरहरूबीच समन्वयको अभाव र रनआउटका कारण नेपाल १९.३ ओभरमा सबै विकेट गुमाउँदै मध्यम स्कोरमा समेटिन पुग्यो। इटालीका लागि क्रिशन कालुगामागे र बेन मानेन्टीको बलिङ प्रदर्शन निर्णायक सावित भयो, जसले नेपाललाई सस्तैमा रोक्न मुख्य भूमिका खेले। अब यो लक्ष्य पछ्याउने क्रममा नेपाली बलरहरूले कस्तो रणनीति अपनाउँछन् भन्नेमा सबैको नजर छ।
